Селекторот на македонската фудбалска репрезентација Благоја Милевски го соопшти списокот на играчи за претстојните квалификациски дуели за пласман на Европското првенство што ќе ги одиграме против Италија и Малта.
Во составот е повикан дебитантот Ахмед Иљазовски кој го носи дресот на данскиот Хвидовре, а во националниот тим се враќа и Димитар Митровски од Вараждин.
Откако се повлече од репрезентацијата го нема капитенот Стефан Ристовски, а поради повреда на списокот го нема Марјан Радески додека Дарко Чурлинов кој се уште се рехабилитира по тешката болест не доби дозвола од Барнли да им се приклучи на подготовките.
Собирот на нашата најдобра селекција за претстојните натпревари против Италија и Малта е закажан за 4. септември во х. Хилтон во Скопје.
ФОТО: Игор Паневски