Голманот на Челси, Кепа Аризабалага оваа сезона ќе застане на голот на Реал Мадрид и ќе го замени повредениот Тибо Куртоа.
Шпанецот ќе пристигне во Мадрид како позајмен од редовите на „сините“, кои летово ангажираа уште еден гвалитетен голман, а тоа е Роберт Санчез од Брајтон. Аризабалага пред да потпише за Челси ги бранеше боите на Атлетик Билбао, а летово беше во преговори и за трансфер во Баерн Минхен.
Реал мораше брзо да реагира и да доведе нов голман, бидејќи Куртоа во четвртокот ги скина предните вкрстени лигаменти на левото колено и веројатно ќе биде отсутен цела сезона.