Тотнем конечно ја прифати четвртата понуда на Баерн Минхен за трансфер на Хери Кејн. Премиерлигашот се согласил да го продаде својот најдобар фудбалер за обештетување од над 100 милиони евра, па сега германскиот шампион преговара со самиот фудбалер околу личните услови.
Актуелниот договор на Кејн со Спарс истекува идното лето, што значи дека лондонскиот клуб ќе инкасира огромно богатство за играч кој има уште една година од договорот.
Кејн e дел од Тотнем уште од своите јуниорски денови, односно од 2004 година, а како сениор играше на неколку позајмици во Лејтон Ориент, Милвол, Норич и Лестер. Тој е најдобриот голгетер во историјата на Тотнем и англиската репрезентација.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.