И покрај неколкуте понуди за смена на средината италијанскиот репрезентативец Марко Верати во текот на следната сезона ќе го носи дресот на Пари Сен Жермен.
Тој во еден момент се поврзуваше со трансфер на Блискиот исток и за него беа заинтересирани Ал Ахли и Ал Хилал, но очигледно немаше намера да го напушти Стариот континент.
Од европските великани на моменти Верати се поврзуваше со трансфер во Барселона, Ливерпул или Челзи, но висината на откупната клаузула од 80 милиони евра беше главната пречка за евентуално заминување од француската престолнина.
Верати со Пари Сен Жермен има договор до 2026 година.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.