По одигрувањето на натпреварите од претквалификациите познати се сите селекции кои ќе се борат за настап на Европското првенство во кошарка што ќе се одржи во 2025 година.
Македонија својата задача ја исполни во претходниот круг на претквалификации и сега се подготвува за првиот круг од квалификациите за Олимписките игри.
Во конкуренција за жрепката што ќе се одржи во вторник во Минхен, а почетокот е закажан за 11 часот и 30 минути се и домаќините на завршниот турнир Кипар, Финска, Полска и Летонија кои веќе имаат обезбедено директен пласман.
Преку последниот круг на претквалификации учество обезбедија Хрватска, Бугарија и Словачка.
А претходно покрај Македонија во конкуренција се Белгија, Босна и Херцеговина, Чешка, Естонија, Франција, Грузија, Германија, Велика Британија, Грција, Унгарија, Летонија, Литванија, Црна Гора, Холандија, Португалија, Исланд, Србија, Словенија, Шпанија, Шведска, Турција и Украина.
Триесет и двете репрезентации ќе бидат поделени во осум групи по четири тима, а учество на континенталниот шампионат обезбедуваат трите најдобри пласирани од секоја конкуренција.
Распоредот по квалитативни садови ќе биде објавен утре.
ФОТО: Игор Паневски