Македонската машка кошаркарска репрезентација доживеа пораз и во вториот контролен натпревар против селекцијата на Полска што се одигра во рамките на подготовките за настап на претквалификациите за Олимписките игри.
Овој пат во Белград, Полска триумфираше со 84;52, а клучен момент за убедливиот пораз беше извонредната втора четвртина на противникот кога беше направена и клучната предност.
Селекторот Александар Јончевски на вториот натпревар реши да ја намали минутажата на клучните играчи во тимот Војдан Стојановски и Ненад Димитријевиќ и да има даде шанса на останатите кошаркари.
По овој дуел кошаркарите се враќаат во Скопје каде продолжуваат со тренинзи се до 10 август кога ќе заминат за Талин.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.