Некои компании ќе ги зголемат платите на работниците, некои ќе запират со инвестиционите активности, а трети ќе интервенираат и со меѓу решение, ова се трите оппции за бизнис секторот да ја преброди кризата со недостаток на работна сила, иселувањето на младите од земјава, смета првиот човек на Стопанската комора на Република Северна Македонија, Бранко Азески.
Во земјава има увоз на странска работна сила, и се издаваат дозволи, но постапката за македонските компании е сложена.
Смета дека бизнис секторот се снаоѓа во вакви лоши ситуации и е оптимист дека и ова ќе го изменаџираат. Се согласува дека е потребна дебата на оваа тема, со сите чинители во земјава. Според Азески најдобро е да се подигне стандардот на граѓаните во земјава и да се вратат оние коишто се иселиле или заминале на привремена работа во странство, бидејќи земјава има добар кадар, кој треба да си го искористи за своите потреби. Тој денеска потпиша документ за соработка со штипскиот Универзитет „Гоце Делчев“.
Викторија Јованова Димитровска