Народната банка одново ја зголеми каматната стапка на благајничките записи за дополнителни 0,25 процентни поени до нивото од 5,75 насто.
Паралелно, се зголемува каматата за депозитите.
Основната каматна стапка е показател како ќе се движат каматните стапки на депозитите.
Дали и за колку ќе се зголемат каматите одлучува секоја банка самостојно.
Со последната промена продолжува циклусот на затегнување на монетарната политика која почна од крајот на 2021 година, прво преку активно управување со ликвидноста преку интервенциите на девизниот пазар, а потоа од април минатата година и со зголемување на каматната стапка на благајничките записи, како и на каматните стапки на другите монетарни инструменти.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.