Пекарите денеска се заканија дека штом владата ја донесе одлуката да се замрзнат цените на лебот на 33 денари, тие повеќе нема да го произведуваат. Откако ќе влезе одлуката во Службен Весник и официјално ќе стапи на сила, леб нема да има во продавниците.
Пекарите се лути на барањето на министерот за економија Бектеши кој препорача владата да ја донесе одлуката цената на белиот и полубелиот леб да се замрзне на 33 денари. Но, анализите на министерството покажале дека голем дел од компаниите од прехрамбената индустрија ја злоупотребиле субвенционираната струја и не ги намалиле цените на основните производи, иако три месеци ја користеа мерката. Тврдеа дека струјата не е единствениот трошок, туку дека трошок им се и суровините.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.