(Видео) Хаџимишев: Лоша е одлуката да се купува гас по фиксна цена во услови кога се очекува цената на светските берзи и понатаму ќе паѓа

Одлуката да се купува гас по фиксна цена во услови кога веќе изминува најдолгиот месец од грејната сезона и кога очекувањата се дека цената на светските берзи и понатаму ќе паѓа е лоша. Потребно е да се применат други механизми за да не се доведуваме во ситуација да платиме поскапо за нешто што треба да чини многу поевтино. Земјава потребно е да прибегне кон набавка на суровини на пократки интервали или во лотови и на тој начин да добие подобра понуда која во нормални услови би дошла од неколку компании вели Димитар Хаџимишев, поранешен директор на Топлификација и познавач на состојбите во енергетиката.