Дванаесет студенти на скопскиот Економски факултет добија стипендии од 10 осигурителни компании. Студентите од осигурителните компании ќе добијат стипендија од 1.000 евра во денарска противвредност, можност за практична обука во компанијата, а опција е и вработување во компаниите. Меморандумот за соработка меѓу факултетот и осигурителните компании беше потпишан по иницијатива на Агенцијата за супервизија на осигурување.
Деканот на економскиот факултет Предраг Трпески, денеска на доделувањето на стипендиите, истакна дека осигурителните компании на овој начин ќе се приближат до студентите на економскиот факултет, за кој рече дека претставува изворот од каде осигурителните компании треба да го црпат човечкиот капитал.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.