Министерот за транспорт и врски вели дека сите проблеми за реализација на автопатот Кичево-Охрид, поврзано со имотно правни прашања, проектантски грешки, клучките се веќе решени.
Сакам помалку да зборуваме за проблемите на тој автопат, туку за тоа до каде сме и што имаме направено. Тунелот од 2 километри, кој е и најголемито тунел во Македонија, веќе е асфалтиран и се преминува на асфалтирање на вториот тунел. Делницата од Требеништа кон Охрид, од десната страна по автопатот е пуштена во сообраќај, а се работи и на процедурите и реализацијата на овој проект на другите позиции, рече Бочварски.
598 милиони евра е цената за изградба на автопатот, а последниот анекс кој што беше потпишан се однесувал само на продолжување на рокот на изградба, кој според Бочварски, сега е 31.12.2023 година.
Освен за автопатот Кичево-Охрид, Бочварски се пофали и со реализација на многу други патни правци, а особено во Пелагонискиот регион. Како што тврди министерот, со изградбата на експресниот пат кон Прилеп, рехабилитацијата на превојот Плетвар и автопатот Прилеп – Битола, комплетно ќе се сменела сликата за Пелагонискиот регион.
Кон Прилеп, таму како што кажав веќе имаме добар прогрес, се работи на пробивање на вториот тунел, очекуваме да биде пробиен фебруари или март идната година. Очекувањата се дека кон крајот на 2023, или почетокот на 2024 година да имаме веќе завршен експресен пат. Од Прилеп до Битола плановите се да се влезе во реализација на авотпатот наредната година, а од Битола до Меџитлија веќе се работи на ревитализација на постоечкиот пат и до поврзувањето со Грција, вели Бочварски.