Од 55 до 57 евра е цената за мегават час која ЕСМ ќе ја понуди на ЕВН Хоум, дознава Телма. Цената вчера беше формирана на затворена седница на Владата и од неа зависат пресметките на Регулаторната Комисија и тоа дали и колку ќе поскапи струјата која ќе ја плаќаат граѓаните и сите кои се на регулираниот пазар.
По оваа цена државните електрани од 1 јануари до 30 јуни ќе ја продаваат произведената струја на ЕВН Хоум а реалната цена на производство е 73 евра за мегават час па разликата ќе се покрива со пари од Буџетот.
Досегашната цена на ЕСМ за ЕВН ХОУМ беше 48 евра за мегават час а новата е за околу 15 отсто повисока од сегашната.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.