Неинформираност а не незаинетерсираност. Стопанствениците сметаат дека ова е причината за релативно малиот одзив на компаниите од прехрамбената индустрија за субвенционирана струја, која би ја користеле од 1 декември. Сепак големите компании, двигатели на економијата во овој сектор, веќе ја доставиле комплетната документација и го испочитуваа првиот рок заклучно со 11 ноември, но се во очекување на договорите кои треба да им бидат доставени.
Ангеловски смета дека кампања и објаснување за малите компании како што се стотиците пекари би имала ефект и обостран интерес, како за нив, така и за граѓаните кои се нивни клиенти.
Најавите дека од 1 декември ќе почне намалувањето на цените во прехрамбениот сектор е преурането бидејќи компаниите треба да почнат да ги произведуваат основните прехрамбени продукти плаќајки ја субвенционираната цена на струја од 80 евра, за да може да ги намалат цените. Очекувањата се кон средината на идниот месец, а од ССК се децидни дека намалување на цените ќе има.
Увозните суровини и материјали неопходни за производството во прехрамбениот сектор исто така ја диктираат моменталната цена и најавеното намалување.
Според официјалните податоци кои вчера ги презентираа надлежните досега 235 компании склучиле договори со ЕСМ продажба и од 1 декември ќе користат субвенционирана струја по цена од 80 евра за мегават час. Од ЕСМ ги повикаа компаниите да продолжат со апликации за од почетокот на идната година да користат поефтина струја.
Огнен Чанчаревиќ