Повикот објавен, на ред се 200 компании со рок до утре, или најдоцна 20-ти месецов за оние кои се на слободен пазар, да ги потпишат новите догoвoри со кои им се нуди поевтина електрична енергија во прехрамбениот сектор, училиштата и јавните водоводни претпријатија и пречистителните станици. 80 евра за мегават час за дел од прехранбената индустртија, 95 за претпријатијата и училиштата. ЕСМ снабдување ќе испорачува поефтина електрична енергија, но рано е да се зборува за поефитни цени на дел од основните продукти.
Од пекарската индустрија смируваат, прво да ја добиме струјата, а потоа ќе се обидеме да ги снижиме цените и 10 проценти.
Остануваме на ветувањата за пониски цени на лебот и до 10 проценти. Но, прво мораме да ја добиме струјата по оваа цена, да ја имплементираме во производството, и најрано по Новата година да пресметаме колкав импакт ќе има врз вкупната производна цена, а со тоа и намалување на цените на основните продукти и лебот, вели Горан Ѓорѓиевски од пекарската индустрија
Прехранбената индустрија бара трпение, бидејќи еконосмската криза влегува во зимски период, а државата е зависна од узвоз на основни репроматеријали. Житото кое што доаѓа од увоз влијае на крајната цена, затоа освен владината мерка, потребно е и стабилизирање на пазарите во Европа и светот.
Овие потрошувачи додека трае кризната состојба до 30 април нема да бидат на слободниот пазар, каде што цената на струјата е многу повисока, туку прехранбените компании ќе плаќаат по 80, додека претпријатијата и училиштата по 95 евра од киловатчас. Компаниите кои произведуваат храна може да учествуваат на повикот само ако се занимаваат со живина, преработка и конзервирање на месо, производство на животинско и живинско месо, масла и масти, преработка на млеко и производство на млечни производи, мелнички производи, леб и квасец.
Павле Беловски