Банкарите од американските Федерални резерви (ФЕД) објавија четврто по ред зголемување на каматните стапки за 75 базични бодови, истовремено сигнализирајќи дека нивната агресивна кампања за зауздување на инфлацијата може да се приближи кон завршна фаза. Надлежните рекоа дека веројатно ќе биде потребно тековно зголемување за каматите да се доведат до ниво коешто е доволно рестриктивно за да ја врати инфлацијата на два отсто со текот на времето, објави Bloombergadria.
„При одредување на темпото за раст на каматите во иднина, одборот ќе го зема предвид кумулативното заострување на монетарната политика, која што влијае на економската активност и инфлацијата, како и економскиот и финансискиот развој“, велат од ФЕД. Ова доаѓа како освежување во период на сé уште силна инфлација и добри податоци за вработувањето во САД, иако секторите како недвижнини и производство значајно забавија.