Нов снабдувач, нови правила. ЕСМ откако ги превзема топланите Исток и Запад и парното од БЕГ ги повика корисниците да дојдат во пункотовите за наплата и да потпишат нови договори. Околу 60 илјади домаќинства ги засега новата грејна сезона во Скопје. Парното стаса, но не кај сите претплатници.
ЕСМ и денеска е на терен и трет ден како сервисира дефекти откако стотици граѓани пријавуваат дека во цели згради, нема доток на топлинска енергија. Некои пријавуваат и материјални штети, а екипите на ЕСМ одат кај првопријавените. Пред пункотвите на топлана почнаа да прстигаат граѓани кои го чуле повикот на ЕСМ. Дел склучиле веќе договори, а на дел им побарале дополнителни документи.
Склучувањето на договорите може да се изврши на три пункта – Центар на улица Кочо Рацин број 33 кај Олимписки базен, пункт Исток на улица Јане Сандански број 49 во населба Аеродром и пункт Запад на улица Лондонска број 8 во Тафталиџе, се наведува во соопштението од ЕСМ.
Пунктовите се отворени за граѓаните секој работен ден од 8 до 18 часот и во сабота од 9 до 13.30 часот.
За да се склучи новиот договор, граѓаните треба со себе да понесат документ за лична идентификација и фактура (или копија) за топлинска енергија од претходниот снабдувач. Напоменуваме дека ЕСМ Снабдување со топлина ДООЕЛ Скопје ќе им овозможи на граѓаните соодветен временски период за регулирање на обврската, и дека доколку од различни причини корисниците не успеат да склучат нов договор до крајот на месецот, греењето непрекинато ќе се испорачува и во ниеден момент испораката нема да биде загрозена – велат од компанијата.