Директорот на кичевската болница Станко Трпески за Телма вели дека е неточна информацијата за бегство на пациентот сомнителен на мајмунски сипаници. Потврдува дека бил тежок за соработка со медицинските екипи, но целата процедура е запазена за да се утврди точна дијагноза со тестови за вирусот. Не бил хоспитализиран во болница, а имал изразени симптоми по неколкунеделен престој во странство.
Институтот за јавно здравје соопшти дека од пациентот веќе бил земен примерокт за тестирање на сомнителен случај на мајмунски сипаници. Според нив, пациентот е во добра здравствена состојба и нема потреба од хоспитализација.
Пациентот е лоциран. Контактиран е од надлежниот епидемиолог во Битола и првичната епидемиолошка анкета е завршена. Имаме достапни тестови и во ИЈЗ треба да имаме одговор дали се работи за мајмунски сипаници, изјави Петличковски.
Претседателот на Комисијата за заразни болести додаде дека се направени првични лабораториски анализи, а Комисијата попладнево ќе одржи состанок за состојбата со мајмунските сипаници.