Роберт Левандовски дефинитивно кариерата ќе ја продолжи во Барселона, а новиот клуб на Полјакот според медиумите во Шпанија ги крие деталите околу обештетувањето кое треба да му се плати на Баерн.
Според официјалните податоци Каталонците треба да исплатат сума од 45 милиони евра и уште дополнителни пет на име на бонуси во зависност од личното и тимско постигнување.
Сепак дел од медиумите во Шпанија пишуваат дека сумата е далеку повисока и дека таа се крие за да избегне дебатата околу тоа како Барселона троши големи пари, а до вчера беше во огромна финансиска криза.
Неофицијално трансферот на Левандовски на Камп Ноу ќе чини 60 милиони евра кои ќе се платат веднаш додека 10 милиони кои се предвидени како бонуси ќе се исплатат во текот на следната година.
Весниците во Шпанија пишуваат дека и Полјакот ќе заработува многу повеќе од пријавените 16 милиони евра по сезона, а договорот е потпишан на три години со опција тој да се продолжи на дополнителни 12 месеци.
ФОТО: Игор Паневски