Фудбалските клубови од Русија немаат право на настап и во новата сезона од европските натпреварувања.
Судот за спортска арбитража во Лозана денеска ја отфрли жалбата на клубовите кои бараа поништување на одлуката на УЕФА и ФИФА за нивна суспензија поради агресијата на Русија врз Украина.
Со денешното отфрлање на жалбата Судот практично ја потврди одлуката на Светската и Европската фудбалска асоцијација и клубовите од Русија немаат право на настап во трите натпреварувања во организација на УЕФА.
Судот за арбитража во блиска иднина треба да ја разгледува и жалбата за забрана за настап и останатите Спортски асоцијации на Русија, но според денешната одлука тешко може да се очекува поинаков епилог.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.