Македонскиот репрезентативен чувар на мрежата Дејан Илиев поради операција на коленото ќе мора да паузира околу три месеци.
Илиев подолг период има проблеми со повреди, а по препорака на лекарите тој мораше да направи уште хируршки зафат за да ја санира повредата на менискусот.
“„Уште една пречка на патот. Благодарност до д-р Улрих Бениш и неговиот тим што ми помогнаа уште еднаш во овие тешки моменти! Тешката работа започнува сега ќе се вратам посилен”, напиша Илиев на социјалните мрежи.
Поради рехабилитацијата тој го пропушти стартот на сезоната во словачкото првенство, а нема да биде во комбинација и за дуелите на националниот тим со Бугарија и Грузија.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.