Во вториот настап во меѓународните клупски натпреварувања Академија Пандев има тешка задача да го мине првиот круг во квалификациите од Конференциската лига откако по првиот меч на гостувањето во Гдањск беше совладана од Лехија со 4:1.
“Ќе одиграме максимално утре, резултатот од првиот меч е нереален затоа што таму одигравме добар офанзивен фудбал со многу создадени но неискористени шанси. Сега ќе направиме се да одиме во следната рунда. Утре ако сакаме чудо, треба да не примиме гол, треба да бидеме 200% подготвени да го дадеме максимумот, тие казнуваат секоја грешка. Спортски е да се надеваме дека со брз гол, можеме до чудо”, истакна Диме Димов.
Натпреварот се игра на терените на тренинг центарот Петар Милошевски, а почетокот е закажан за 17 часот.