Женската тениска репрезентација на Македонија и во вториот настап во фазата по групи од третата група во Били Џин Кинг купот успеаа да забележат победа.
Овој пат со 3:0 нашите тенисерки триумфираа на Боцвана и утре во мечот против Јужна Африка ќе се бориме за освојување на првото место.
Првиот поен за Македонија го освои Магдалена Стоилковска која во два сета беше поуспешна од Челзи Чаканјука. Во вториот дуел во поединечна конкуренција, Лина Ѓорчевска со 6:1 и 6:1 славеше над Екуа Јури.
Нашите тенисерки беа супериорни и во игра на двојки каде Ѓорчевска и Стоилковска со 2:0 триумфираа над Чаканјука и Јури.
Утрешниот дуел со Јужна Африка се игра на централниот терен на Тенискиот клуб Југ и почнува во 10 часот.
ФОТО: Игор Паневски