Пресметки за плата „извадени од ракав“ а не по закон и колективен договор, загубар со огромни долгови и закана за уште поголеми поради судски пресуди за отштета, намалени приходи во споредба со расходи. Се ова е содржано во ревизорскиот извештај за работата на Македонски железници во 2020 та година. според ревизорите плата била исплаќана без критериуми и граници во делот за работна успешност.
На вработените им се исплаќаат различни проценти кои се движат од 20 – 40% од основната плата. Ваквиот начин на утврдување и пресметка на делот од плата за работна успешност создава можност за субјективизам при пресметка на истите и не обезбедува уверување за реалноста на остварениот и пресметаниот квалитет при вршење на работата, што пак од друга страна влијае на трошоците на МЖ, ВЕЛАТ ОД ДРЖАВНИОТ ЗАВОД ЗА РЕВИЗИЈА.
Македонски железници со години се загубари, а сега ревизорите утврдиле дека од 2015 до 2020 приходите пагале, расходите растеле, па со тоа растела и загубата. Само во 2020 година загубата била 6 милиони евра, а акумулираната загуба од сите минати години 83 милиони евра. Но постои опасност овие загуби да се зголемат пишуваат ревизорите поради судските пресуди за отштета од железници кои можат да достигнат и до 2,5 милиони евра.
Судските постапки кои се во тек, а во кои тужена страна е МЖ Транспорт се на износ од 154.018.000 денари, ВЕЛАТ ОД ДЗР.
Според ревизорите постои проблем и во начинот на изведување на јавните набавки во претпријатието, н оза сите овие прашања не добиле никакво мислење од раководството на железници.
Билјана Николовска
