Тешки камиони и товарни возила од утрово поминуваат низ Аеродром и Маџари за да се приклучат на автопатот по блокадите на ССМ кај Автокоманда. Синдикалците го организираа протестниот штрајк, а покрај оние што се обидуваат да влезат во главниот град од правец на Автокоманда, проблеми имаат и жителите на Скопје кои се движат кон или од правец на оваа скопска населба.
Штрајкот кај Автокоманда ќе трае од 7 до 10 часот денеска.
Денеска е четврти ден на генералниот штрајк на Јавниот сектор. Штрајкувачкиот одбор на ССМ, како што најави, го блокираше влезот во Скопје и крстосницата на главниот булевар во населбата Автокоманда.
Барањата се исти, 2.806 денари усогласување на платата од 1 јули, К-15 и нов Колективен договор. Денеска претседателството на ССМ ќе одлучи кои ќе бидат наредните чекори, а се најавува протести пред Собранието и пред министерството за труд и социјална политика
