Ќе поскапуваат кредитите. Ова се очекувањата на дел од експертите по вчерашната одлука на НБРМ повторно да ја зголеми основната камата на благајничките записи, која пак е показател во која насока ќе се движат каматите и на депозитите и на кредитите.
Поранешниот гувернер на НБРМ Гошев, вели сега на потег се банките, кои најверојатно ќе ги поскапат кредитите. Но, за колку, секоја банка самостојно ќе одлучува.
„Очекувана е мерката на НБРМ, дали ќе реагираат банките тоа е друго прашање, но мислам дека ќе реагираат мислам дека ќе има поместување и на каматите на кредитите и депозитите, но колку тоа секоја банка ќе одлучува поединечно како субјект. Оние кои имаат фиксни договори нема да ги погоди покачувањето на каматите, но оние со варијабилна може да ги погоди во зависнот од висоната на поместувањето, вели за Телма, Петар Гошев, поранешен гувернер на НБРМ.
Со оглед на глобалните случувања кои се рефлеткираат и врз домашната економија, Гошев очекува до крајот на годинава да има и други мерки кои ќе бидат преземени од страна на НБРМ.
Банкарите пак смируваат. Велат се уште е рано да се каже што ќе се случува. Кај нив во моментов нема драматични промени, а состојбата будно ја следат.
До организацијата на потрошувачи, до сега нема пристигнато поплаки од граѓани дека банките ги зголемиле трошоците на кредитите.
Но, апелираат до граѓаните внимателно да ги проверуваат договорите за кредит.
Народната банка ја зголеми основната каматна стапка од 1,75 на 2 проценти. Умерено зголемување веќе има кај каматите на депозитите. НБРМ по трет пат ја подига каматата нагоре.
Според експерите потегот на банката доаѓа како одговор на инфлаторните притисоци, кои се очекува и во следниот период да бидат присутни.
Ирена Чачкова