Една милијарда евра нови кредити ќе ни требаат за да ги ублажиме последиците од воената криза со Украина – алармираат експертите. Економијата нема да расте според очекувањата, бизнисот е на раб на ликвидност, ќе се продлабочува буџетскиот дефицит, а јавниот долг ќе расте. Ќе ни требаат пари кои веќе се испанирани да се потрошат, и други кои сега се планираат за трошење како зголемување на платите во јавниот сектор, како и мерки за помош на бизнисот и граѓаните- пари кои ги нема во државната каса. Експертите предупредуваат да се внимава со кредитите- бидејќи на крајот нив пак ќе ги платат граѓаните – можеби и преку повисоки даноци.
Економистите предупредуваат – не очекувата тешки денови. Велат добро би било ако јавниот долг порасне од сегашните 7,1 до 7,5 милијарди евра- но колу пари ќе ни требаат зависи од времетраењето на војната во Украина. Предупредуваат дека најлошто сценарио е земањето кредити за гаснење социјални пожари – наместо за инвестиции во нови проекти и развој.
Колку пари во нови кредити ќе не чини воената криза со Украина за сега никој од министрите не открива. Покрај еврообврзницата од 600 милиоони евра која е на чекање поради високите камати, додека се крои ребалансот се бараат и нови поефтини пари и од ММФ и од Европската Унија. Она што се знае е дека со ребалансот ќе се снижи проекцијата за раст на БДП од 4,2 на 3,2 проценти. А ќе расте буџетскиот дефицит- кој според премсетките од сегашните над 500 милиони би стигнал до над 700 милиони евра- пари кои не беа планирани и ќе треба да се позајмат.
Александра Филиповска
