Малешевијата годинава за празниците полна и со странски и домашни туристи. Хотелите и вилите се исполнети, а резервациите започнале уште пред еден месец. Во познатите хотели 80 % од гостите се од соседна Бугарија. Пандемијата стивнува, хотелиерите велат дека пополека во овој регион се враќаат и туристите од Холандија.
Малешевци сметаат дека е потребено да се работи на регионалниот пристап, но и на промоција на она што нуди овој регион, кој изобилува со природни убавини.
Ванчо Самраџиски производител на здрава храна заедно уште со неколку негови колеги од поранешното детско одмаралиште се чувари на поранешниот сместувачки капацитет. Не дозволуваат на крадците да се разграби инвентарот. Овој капацитет е со најубавиот поглед на Беровското езеро, но повеќе од десет години државата заради низа проблеми не го става во функција, иако за него има голем интерес.
Викторија Јованова
