Македонската женска ракометна репрезентација во претпоследниот дуел од ЕХФ Купот е поразена од Норвешка со 24:18, но составот на Љубомир Савевски во две третини од натпреварот беше рамноправен противник.
Македонските ракометарки пружија силен отпор на фаворизираниот противник, а клучни за поразот беа завршните петнаесетина минути кога се направија неколку грешки, а гостинките успеаа да ги казнат и на крајот заслужено стигнаа до победа.
Најефикасна во нашиот тим со шест гола беше Јована Саздова, Моника Јанеска постигна четири, а Сара Ристовска три погодоци. На голот блескаше Јована Мицевска со 14 интервенции.
ФОТО: Игор Паневски