И црквата ги покачи цените за црковните услуги. Според новиот таксеник на Преспанско-пелагониската епархија најскапи се венчавките и погребите. За венчавка црквата наплаќа 7.700 денари, а погреб чини од 3.000 до 5.000 денари, во зависност дали е со 1 или со 3 свештеници. Крштевката е 3.800 денари, а цените на другите црковни треби како парастоси, задушница, водосвет се од 200 до 2.000 денари.
Новиот таксеник во црквите на Преспанско-пелагониската епархија е со важност од февруари годинава, а цените се покачени од 50 до 500 денари во зависност од услугата.
Дел од битолчани велат дека цените се превисоки. и во ваква криза Црквата треба да
Тоа е премногу што го направија поповите. Услугите се поскапени, спевање, погребалните услуги се исто така многу поскапени. Ова нема крај, вели битолчанец.
Дел од граѓаните велат дека поскапувањето на сите цени очекувано повлече поскапување и на услугите во црквата.
Сега слушнав дека некој спевал порано било 200 денари сега 250 денари или 300 денари, ми кажа човек што дошол за спевање. Па и поповите треба да живеат, работата не им е така лесна, вели битлчанец.
Некои од црквите во Преспанско-пелагониската епархија новиот таксеник го истакнаа на социјалните мрежи уште пред Задушница, а како што пишува на документот, цените се утврдиени на 8 февруари. Не добивме одговор од Владиката Петар за покачените цени на црковните услуги и покрај обидот да стапиме во контакт
Емилија Мисирлиевска