Зголемувања на производните трошоци, затворање на капацитетите, намалување на конкурентноста и отпуштања.Ова се последиците доколку не се дозволи компаниите самостојно да одлучат дали ќе „одмораат“ во недела или не, предупредуваат од Стопанската комора. Од актуелниот закон особено се засегнати градежништвото, прехранбената индустрија и трговијата, кои не се најдоа меѓу тие на кои им е дозволено да работат и во недела.
Здруженијата на трговци бараат работата во недела за сите дејности да се регулира исклучиво со Законот за работни односи, затоа што новиот закон содржи многу нелогичности и става фирми со иста дејност во нерамноправна положба.
Од компаниите прашуваат, кои критериуми се одбрани се одбрани дејностите кои се повластени?
Посочуваат и дека, измени во законот со додавање на дејности не се доволни, затоа што само ќе стимулира правна несигунрост. Но, од владата токму тоа го нудат.
Според Комората, акцентот мора да се стави на инспекцискиот надзор и на почитувањето на работничките права, што вклучува и исплата на додаток за работа во недела. Ако се постигне соодветно решение на 18 февруари, на денот на одбележувањето на 100 години од постоењето, Комората ќе ја повлече Иницијативата доставена до Уставниот суд за оценување на уставноста на оваа мерка.
Далиборка Дамјанска Цветановска