Македонија има одлична серија на резултати во дуелите против Црна Гора, а посебно по прикажаните игри на стартот на турнирот нашата селекција е фаворит, но тоа мора да се докаже на теренот.
“Не сакам да ја потценам во ниту еден случај Црна Гора. Има таму индивидуалци подобри од нашата репрезентација, но како колектив сме подобри. Не сакам да ги отворам картите. Дополнително ќе ги анализираме. Никогаш не се знае. Вчера не требаше да играат Шеваљевиќ и Мишковиќ, но им беа во состав. Тие имаат позитивни, ние имаме позитивни. Се се менува од ден на ден и мора на тоа да се прилагодуваме. Не ме плашат ниту Црна Гора ниту Данска. Едноставно не треба да се оптоваруваме со противниците туку да ја играме нашата игра. Од нас зависи дали ќе остваруваме добри резултати во иднина. Противниците ќе бидат се појаки и појаки бидејќи сите во Европа играат веќе квалитетен ракомет”, изјави селекторот Кирил Лазаров.
ФОТО: Петр Стојановски