Македонската ракометна репрезентација и во третиот контролен натпревар во рамките на подготовките за настап на Европското првенство успеа да забележи победа. Овој пат во Скопје совладана е селекцијата на Израел со 31:28.
Почетокот на натпреварот им припадна на гостите кои поведоа со 4:1, но во продолжението нашите ракометари успеаа да го преземат водството и на половина од првото полувреме имавме предност од 7:6. Во овој дел од мечот избраниците на селекторот Лазаров имаа контрола врз играта и резултатот и во еден момент стигнавме до предност од два гола, која бргу се истопи и Израелците поведоа со 11:10. Предноста од еден погодок гостите ја одржуваа до самиот крај на првото полувреме и на одмор заминаа со водство од 15:14.
Во продолжението од средбата нашите ракометари полека, но сигурно ја преземаа контролата на играта и резултатот и успеа да направи пресврт и од моментот кога поведовме со 22:21, водството постојано се зголемуваше и во еден момент стигнавме до предност од четири разлика што беше доволно за нова победа.
Прв стрелец во нашиот тим со пет гола беше Ненад Костески, Цветан и Филип Кузмановски постигнаа по четири, а голманите Никола Митревски и Мартин Томовски комбинирано забележаа 11 интервенции.
Вториот натпревар се игра утре со почеток од 18 часот.
ФОТО: Игор Паневски