Најдобриот светски тенисер Новак Ѓоковиќ е на листата на пријавени играчи за првиот Грен слем во годината, Австралија Опен.
Ѓоковиќ никогаш во јавноста не соопшти дали е вакциниран, а тоа беше единствениот услов за учество на турнирот во Мелбурн, па со оглед дека се најде на листата на пријавени тенисери, може да се заклучи дека примил вакцина против Ковид-19.
Србинот ќе може да се бори за својот десетти трофеј од Австралија и рекорден 21-ви Грен слем во својата кариера.
Вчера беше потврдено дека Ѓоковиќ ќе учествува на репрезентативниот турнир АТП Куп во Сиднеј, што само даде дополнителна потврда дека тој ќе се појави и на престижниот турнир во државата Викторија.
Првиот гренд слем во сезоната почнува на 17-ти јануари, а Ѓоковиќ е тенисер со најмногу недели на врвот на АТП листата, но и рекордер со 9 титули на Австралија опен.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.