Македонската ракометна репрезентација од денеска почнува со мини подготовките за двата контролни дуели со селекцијата на Египет што ќе се одиграат во рамките на ЕХФ неделата.
Предводникот на националниот тим Кирил Лазаров на располагање ќе има 22 ракометари кои се во комбинација и за настап на претстојното Европско првенство кое на почетокот од следната година ќе се одржи во Унгарија и Словачка.
Мечевите со Египет ќе се одиграат на 4 и 6 ноември, а во следниве денови нашите репрезентативци ќе тренираат во Скопје по што следува заминувањето за Каиро.
Лазаров на располагање ќе има и неколку помлади играчи кои преку овие мечеви ќе се обидат да изборат место во националниот тим, а од стандардните го нема само Дејан Манасков, кој поради повреда на коленото ќе го пропушти учеството на континенталното првенство.
СПИСОК НА РАКОМЕТАРИ
Никола Митревски, Мартин Томовски, Градимир Чакевски, Цветан Кузмановски, Бојан Маџовски, Гоце Георгиевски, Ненад Костески, Стојанче Стоилов, Жарко Пешевски, Никола Марковски, Филип Талески, Филип Кузмановски, Павле Атанасиевиќ, Михајло Младеновиќ, Филип Миркуловски, Марко Мишевски, Игор Ѓоргиев, Мартин Велковски, Мартин Серафимов, Томислав Јагуриновски, Марко Митев, Кристијан Симоновски
ФОТО: Игор Паневски