„Сестри“ на Дина Дума е македонски кандидат за Оскар

Филмот „Сестри“ во режија на Дина Дума е македонски кандидат за наградата „Оскар“ за најдобар долгометражен интернационален филм за 2022 година, одлучи седумчленото жири на чело со Дејан Димески, соопштија од Друштво на филмски работници на Македонија.

Во конкуренција за кандидатурата беше и филмот:„Исчезнатиот“ во режија на Арбен Тачи.

Американската Академија за подвижни слики, уметност и наука објави дека 94-та церемонија за доделување на Оскарите ќе се одржи во недела, 27 март 2022 година, во Лос Анџелес.