Средното училиште Димитар Влахов во Струмица за неколку години направи коренита промена на образовните струки и профили. Од стручно училиште со генерално земјоделски профили на образование, овде сега доминира здравствената струка, а дел од постоечките полека исчезнуваат. Директорот на училиштето, Димитар Ѓоргев, вели дека се следат трендовите и се менуваат струките согласно потребите на општеството, но и интересите за образование на младите.
Кај младите се губи желбата за занимавање со земјоделство, па не е и чудно што дел овие струки не се занимливи како избор за средно образование. Сепак, училиштата очекуваат дека промените во профилите и новите програми ќе донесат многу кандидати.
Промени има и во средното училиште „Никола Карев“ во Струмица. Таму, пак последните години се поатрактивни се техничките струки, со оглед на брзиот развој на информатиката и технологијата.
Сузана Мицева
