Економија Топ вести

Прстот на одговорноста за малверзациите со увоз на деривати и отпадни масла за греење вперен во Царинската управа

Се почесто и се повеќе луѓе и институции, прстот на одговорноста за малверзациите со увоз на деривати и отпадни масла за греење и горење го вперуваат во Царинската управа. Граѓанскиот инспекциски совет оценува дека одговорност и овластувања има и во пазарната инспекција, но и во недозволувањето на државниот инспекторат за животна средина да врши проверка уште на граница што се внесува, а не да го проверува тоад доцна кога ќе почне да се горат отпади и да се загадува. Најдобро решение е да се спречи уште при влез во државата, велат претставници на еколошките движења.

Но посебен проблем е што во минатото било дозволено фирми без лиценци да увезуваат секакви масла кои после во државата станувале мазут или дериват за горење и енергија. Контролата треба да биде на една точка, во царинските складови, потенцира и регулаторот Бислимовски.

Невладините оценија дека најголем проблем е немањето системска врска на надлежните институции и се бара инспекторатите да имаат слободен влез во базата на царината за увезени стоки опасни по екологијата. Во празниот простор влетува корумпирана мрежа државни службеници кои се организираат со странски и ЕУ фирми после што следува увоз на штетни и опасни горива и масла кои носат профит на сите учесници во овој меѓународен криминал, оценија од граѓанскиот инспекциски совет.

Миомир Серафиновиќ

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Пожар во куќа во центарот на Куманово

Дејан Дејан

Се сретнаа Лавров и Рубио, во Ријад почнуваат руско-американските разговори

Дејан Дејан

(ВИДЕО) Уникатна изведба на „Кармина Бурана“ со симфониските оркестри од Македонија, Грција и Бугарија

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе