Доколку надлежните ги усвојат измените на Законот за игри на среќа и забавни игри, со кои е стриктно пропишана локацијата на таквите објекти, на растојание од 500 метри од училиштата и средните школи, 10.000 вработени во оваа индустрија , од кои 3.500 само во спортските обложувалници, ќе останат без работа.
Тие денеска се обратија од пред Владата, објаснувајќи го незадоволството од законските измени зашто, како што рекоа, со постојниот Закон, не е дозволен влез на малолетни лица во спортски обложувалници или казина. Ако измените на Законот за игри на среќа бидат усвоени во Собранието, вработените најавија радикални протести.
Законските измени беа ставени на ЕНЕР за коментари. Сега се разгледуваат коментирите и ќе се прави финална верзија на Законот , кој треба да оди во владина и собраниска процедура.
