Бруто домашниот производ во еврозоната падна за 0,6 проценти во првите три месеци од оваа година, покажаа денешните податоци на Европскиот завод за статистика Евростат.
Вториот последователен квартал на пад на БДП, после наглиот пад во четвртиот квартал од 2020 година, потврдува дека економијата на 19-те членки повторно е во рецесија.
Два последователни квартали на негативен економски раст се дефинираат како техничка рецесија, потсетуваат светските агенции. Еден од факторите за забавување на европската економија е бавното воведување на вакцини и долготрајната блокада, а другиот фактор е помалата државна поддршка за економијата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.