Македонската кошаркарска репрезентација ги доби своите ривали во претквалификациите за Светското Првенство во 2023 година. Интересен е фактот дека ќе играме против истити противници како и пред четири години.
Денешната ждрепка во Берлин ги одреди нашите противници во групата Г во претквалификациите за Мундобаскетот, а тоа се Швајцарија и Словачка. Со овие репрезентации игравме и во претквалификациите пред четири години за Евробаскетот 2021.
Во останатите групи се среќаваат:
Група Д: Шведска, Португалија, Австрија
Група Е: Романија, Летонија, Белорусија
Група И: Црна Гора, Данска, Исланд
Пласман во главните квалификации ќе обезбедат првите две селекции од групите.
Натпреварите ќе се играат во периодот од 11 до 28 август.
„Знам едно нешто. А тоа е, кога веќе сме влегле во една ваква работа, не треба да се плашиме од никој. Реков, респект за секого, но ние мора да изградиме едно високо ниво на самодоверба. Само така можеме да ги минуваме пречките кои стојат на нашиот пат. Почнувајќи уште од првиот собир, таму некаде во текот на летото. Само да бидеме живи и здрави, се ќе биде како што треба“, изјави по ждрепката новиот селектор, Драган Бајиќ.