Има индиции дека бразилскиот сој на ковид се појавил во Србија

Директорката на ковид болницата во Батајница, во Белград, Татјана Аџиќ Вукичевиќ, изјави дека има индикации дека бразилскиот сој на коронавирусот се појавил во Србија и дека британскиот вид е сè уште најприсутен меѓу пациентите. Taa предупреди дека секој нов сој од вирусот е полош и кога станува збор за преносливоста и кога станува збор за смртноста и апелираше до граѓаните да се вакцинираат.

Има многу млади луѓе кои се поврзани со уреди за вештачко дишење, а најчесто се заразени со британскиот сој на коронавирусот. Но, постојат индикации дека и бразилскиот сој на коронавирусот е присутен во Србија, истакна Вукиечвиќ.