Порталот МКД.мк повикувајќи се на свои извори објавува дека Љубомир Даналилов Фрчкоски, за кого неодамна беше објавено дека ќе биде новиот македонски амбасадор во Вашингтон, од Соединетите Американски Држави не ја добил согласноста за оваа дипломатска функција.
„На ранг на дипломатски скандал е што владата мислеше дека домат-дипломатијата на Заев – Димитров може да направи пробив со скандал мајстор како Љубомир Фрчковски. Уште поскандалозно е што Заев останува во потрага по нова функција на Фрчковски кој очигледно не е подобен за амбасадор. Освен Заев што се брука во земјава се брука и надвор од државата“, се вели во соопштението од ВМРО-ДПМНЕ.
Mинистерот за надворешни работи Бујар Османи, вечерва во дебатниот магазин „Click Plus“ на ТВ21, рече дека името на професорот Фрчковски дека е кандидат и информациите дека се повлекува биле од медиумите.
„Во ниту еден момент ние не сме кажале дека е кандидат или е отфрлен или прифатен, затоа што процедурите на кандидатури на амбасадор, односно амбасадори се до потврдување на агреманот се во дискреција и се класифицирани податоци“, вели Османи.
Тој потенцираше дека се додека Министерството за надворешни работи не потврди одредена кандидатура за назначување на амбасадор не треба да се земе како официјална вест.
По истекот на мандатот на последниот амбасадор Васко НаумовскиИнаку, Македонија веќе три години нема амбасадор во Вашингтон.