Со 62 гласа за, ниту еден против ниту воздржан, Собранието изгласа доверба на Владата.
Предлогот го иницираше попладнево Премиерот Заев кој повикувајќи се на членот членот 93 став 1 од Уставот и 217 став 2 од Деловникот усно побара од пратениците без расправа да се гласа за доверба на Владата.
Ова според него е моментот кога треба да се расчисти дилемата кој има мнозинство во Парламентот.
Опозицијата остро реагираше на ваквиот начин на барање за гласање доверба на Владата кое се случува за прв пат во нашата земја.
Жално е, рече Мицевски од ВМРО ДПМНЕ што немате храброст да дозволите три дена расправа за гласање доверба на Владата.
Непосредно пред гласањето опозцијата ја напушти собраниската сала а Премиерот Заев имаше уште едно обраќање пред парламентарното мнозинство во кое говореше за неговите и успесите на Владата во изминатиот период обвинувајќи ја опозицијата дека е деструктивна и ги кочи сите реформи. Прашањето за доверба на Владата не може да се постави пред истекот на 90 дена од последното гласање за доверба, освен ако прашањето за доверба го постави мнозинството од вкупниот број пратеници.
Јулијана Пешевска