Вонредниот конгрес на ВМРО-ДПМНЕ ќе се одржи на 28 март. Од иницијативниот одбор велат дека бегството на Мијалков нема да има никакво влијание на конгресот и дека сите делегати ќе бидат присутни.
Конгресот ќе го одржиме.Нема причина за какво било одложување.Течат сите подготовки.Иницијативниот одбор ги следи случувањата и за секоја нова одлука која ќе биде донесена ќе ја информираме јавноста, вели Коневски.
Но и покрај тврдењето дека нема никаква пречка, сепак одржувањето на конгресот ќе се случува во исклучителен момент кога во бегство е еден од главните иницијатори за промени во ВМРО-ДПМНЕ. Неизвесно е дали ќе успеат во намерата да издејствуваат одговорност од Христијан Мицкоски и како ќе ја реализираат идејата за обединување на членството.
ВМРО-ДПМНЕ пак смета дека конгресот е добра прилика за прочистување на партијата и правење разлика. За нив единствен конгрес кој постои е оној кој ќе се одржи во ноември со нови делегати кои беа именувани по промената на статутот на партијата.
Јулијана Пешевска