Низ годините, ОДИХР има дадено голем број препораки за подобрување на изборниот процес во македонија, вели шефот на мисијата на ОБСЕ во Македонија, Клеменс Која.
Во интервју за МИА, Која, вели дека во извештајот за ланските предвремени парламентарни избори, специјалната мисија за проценка на изборите на ОДИХР, јасно стави до знаење дека сè уште има голем број прашања во законите за изборите, што треба да се решат. Прашан дали се прифатливи измени на изборното законодавство во изборна година, кога треба да се одржат локалните избори, Која вели дека е препорачливо, изборниот закон да стапи на сила најмалку шест месеци пред изборите, за да можат институциите да се подготват непречено да ги спроведуваат промените. Која оценува дека Македонија постигна значителен напредок во спроведувањето на својата амбициозна реформска агенда, и дава охрабрување, земјата да продолжи со реформите во области како борбата против корупцијата, јавната администрација и борба против организираниот криминал