ВМРО-ДПМНЕ не се откажува од собирање на потписи за укинување на законот за попис. Правната процедура почнува утре и трае повеќе од 20 дена, по што собирањето на граѓанските потписи се очекува да почне на почетокот на март. Иако иницијативата може да ја поднесе и само еден пратеник, од партијата ќе собираат 10.000 граѓански потписи за, како што велат, да не може власта да го игнорира незадоволството, но и сомнежот дека резултатите од пописот се договорени. Доколку сепак, се случи тоа, предлагаат пописот да се врши исклучиво електронски.
Комбинираниот модел што го нуди власта за нив е хибрид кој исто така ја загрозува безбедноста на граѓаните, затоа што тоа повторно би значело одење на врата од страна на попишувачите и барање на матичен број. Но, од власта не се откажуваат од идејата.
Рокот за собирање на потписите е 30 дена. Ќе се собираат преку подрачните единици на министерството за правда.
Далиборка Демјанска Цветановска
