Професионалните војници кои ќе навршат 45 години и по закон мораат да ја напуштат АРМ добиваат уште една можност да продолжат со работа во државните институции. За нив се отворени места во противпожарните единици како спасители а оваа опција веќе ја избрале 16 војници. Трансферот во државните институции професионалните војници кои ја исполните возрасната граница продолжува а за нив се предвидени места во Управата за извршување на санкции како затворски надзорници и како судска полиција.
Државниот секретар во министерството за одбрана, Драган Николиќ, информираше дека измените во Законот за служби предвидуваат професионалните војниците по завршување на службата во Армијата со навршени 45 години да имаат избор меѓу продолжување на својата кариера во државната администрација или да им биде исплатена отпремнина во висина од 1.000 евра за секоја година во Армијата или максимални 25 илјади евра