Образование, со кое децата со попреченост ќе се стекнат со знаења и вештини, со кои во иднина ќе можат да обезбедат егзистенција за себе, како и поголема безбедност во училиштата побараа од невладините организации, кои денеска разговараа со министерката за образование на тема – новата образовна концепција.За таа цел, велат, потребни се, пред се`, подобри услови.
Од невладините се надеваат дека, новите реформи ќе го намалат процентот на насилство и фактографското учење.
Министерката очекува дебатата да заврши до средината на февруари, по што најавува почеток на изработка на наставните програми и материјали.
До Министерството за образование досега пристигнале трисетина забелешки, а имаше и голем број отворени писма во медиумите од сите Институти и факултети во државата.
Далиборка Демјанска