Нова уметничка акција на плоштадот Македонија во Скопје Носи ја маската правилно над носот, е пораката од денешната акција „Снешко порачува“, на групата „Урбани уметнички акции“.
– Со оваа акција сакаме да ги потсетиме граѓаните дека и покрај новогодишните празници, епидемијата е во полн ек и секојдневно броиме стотици новозаболени и десетици мртви. Во вакви услови и покрај новогодишните празници не смееме да се олабавиме и да заборавиме на опасноста, велат од „ Урбани уметнички акции“.
Инспирацијата за оваа акција, како што објаснуваат, е фактот што огромен број наши сограѓани постојано не ги почитуваат мерките и неправилно ги носат маските со носовите над маските, со што не само што воопшто не се заштитуваат себеси туку и другите граѓани ги изложуваат на опасност. Снешкото е поставен на плоштадот Македонија.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.